Trashëgimtari i fronit mbretëror i Arabisë Saudite do të takohet me presidentin amerikan, Donald Trump në Uashington më 20 mars dhe të dy pritet të bisedojnë mbi strategjitë për të luftuar ndikimin e Iranit në Lindjen e Mesme dhe në Gjirin Persik.

Gjithashtu princi 32-vjeçar, Muhammad bin Salman pritet të flas me Trumpin për ndryshimet politike dhe kulturore që ai po zbaton në Arabinë Saudite.

Princi e kishte pritur me nderimet më të larta Trumpin në Riad, 10 muaj më parë.

Irani dhe Arabia Saudite janë të përfshira në luftën në Jemen, ku Teherani mbështetë rebelët Huthi në luftimet kundër forcave qeveritare të Jemenit që mbështeten nga Arabia Saudite.

Irani ka mohuar pretendimet se furnizon me armë rebelët. Shtetet e Bashkuara dhe sauditët kanë paraqitur fakte që, sipas tyre, lëshojnë se Irani furnizon me raketa rebelët.