Në Prishtinë dhe në disa qytete tjera vazhdon të ketë mjegull edhe në orët e mëngjesit të së enjtes.

Një ditë më parë, Prishtina ishte qyteti i katërt me ajrin e ndotur, gjersa sot në orët e mëngjesit, në ranglistën e IQAir, ndodhet në vendin e 13.

Indeksi i ajrit në Prishtinë në ora 08:47 ishte 162, që cilësohet me ajër të pashëndetshëm.

Nga qytetet e rajonit, me ajër të ndotur është edhe Sarajeva, në vendin e tretë me indeksin e ajrit 233 që konsiderohet shumë i pashëndetshëm.

Ndërkaq, Shkupi ndodhet në vendin e 16-të, me indeks 154 që konsiderohet si ajër i pashëndetshëm.