KB Sigal Prishtina ka triumfuar në Qipro ndaj Apoel Nicosia me rezultat 80:107 (23:31, 23:21, 9:28, 25:27), në ndeshjen e katërt në Grupin C të FIBA Europe Cup.

Prishtinasit ishin të vendosur për të fituar dhe këtë e treguan në çerekun e parë, që e fituan 23:31. Sidoqoftë, perioda e dytë ishte më e barabartë dhe përfundon me rezultat 23:21 në të mirë të vendasve. Dallimi u bë në periudhën e tretë, ku bardhekaltrit e fituan 9:28 për të shkuar drejt një fitore të sigurt.

Epërsinë e lartë e ruajtën edhe në dhjetëminutëshin e fundit, që e fituan 25:27 dhe triumfuan në fund 80:107. Dmitri Thompson ishte më i dalluari te vendësit me 22 pikë, gjashtë kërcime dhe katër asistime, derisa te Prishtina më i miri ishte Divine Myles me 31 pikë, gjashtë kërcime e gjashtë asistime. Ai u ndihmua nga Mikaile Tmusiq me 23 pikë, Fahro Alihoxhiq me 15 pikë e 10 kërcime, si dhe Jonathan Wade me 13 pikë e shtatë kërcime.

Sigal Prishtina nga katër ndeshje të zhvilluara ka dy fitore dhe dy humbje, derisa Apoel ka katër humbje në po aq takime të zhvilluara. Në përballjen e ardhshme prishtinasit do të ndeshen me skuadrën gjermane, Bayreuth, më 20 nëntor në kryeqytet.