Kryetari i komunës së Prishtinës, Përparim Rama, ka ndezur dritat festive në kryeqytet për nderë të muajit të Ramazanit.

Bashkë me Ramën ishte edhe Kryemyftiu i Republikës së Kosovës, Naim Ternava.

“I lumtur të përmbyllë ditën me Kryemyftiun e Republikës së Kosovës z. Naim Ternave, bashkë me të ndezëm dritat festive për nderë të Muajit të Ramazanit. Thuhet se gjatë Muajit të Bekuar të Ramazanit, doza e dashnisë së besimtarëve të agjërueshëm rritet, e bashkë me të rritet solidariteti dhe përbashkimi mes nesh”, ka shkruar Rama në “Facebook”.