Gjatë fundjavës zhvillohet xhiro e 14-t në Superligën e Femrave. Përballja kryesore e kësaj jave do të zhvillohet në kryeqytet në mes të Prishtinës dhe Penzës.

Vashat bardhë e kaltër në këtë edicion kanë arritur të regjistrojnë 10 fitore e tri humbje, kurse në anën tjetër vajzat nga Peja kanë arritur tetë fitore e pesë humbje.

Të shtunën zhvillohet edhe ndeshja në mes të Trepçës e Bashkimit. Lideri Bashkimi vazhdon ecurinë pozitive me 13 fitore në po aq ndeshje të zhvilluara, ku është skuadra e vetme pa humbje në elitë, ndërsa skuadra mitrovicase ka katër fitore e nëntë humbje. Lojë interesante pritet të zhvillohet edhe në Gjakovë të dielën nga ora 18:00. Vëllaznimi pret në shtëpi United Basketball. Skuadra nga Gjakova nuk ka arritur ende asnjë fitore këtë edicion, ndërsa vajzat nga Gjilani kanë regjistruar katër fitore e nëntë humbje.