Qendra Kombëtare për Menaxhim Kufitar ka njoftuar për pritjet nëpër pikat kufitare.

Përmes një postimi në faqen zyrtare, QKMK-ja ka bërë me dije se pritjet në vendkalimin kufitar në Merdare aktualisht janë 180 minuta.

Kjo qendër ka sugjeruar qytetarët që të shfrytëzojnë pikëkalimin kufitar në Mutivodë dhe Jarin, ku pritjet po zgjasin 5-10 minuta.

“QKMK ju njofton, aktualisht pritjet në PKK Merdarë, në hyrje/dalje janë 180 min, ndërsa në PKK Mutivodë dhe Jarin janë 5-10 min, andaj mund të shfrytëzoni këto dy PKK për hyrje/dalje në/nga Kosova! Shmangeni pritjet e gjata! Rrugë të mbarë!”, thuhet në njoftim.

Bashkatdhetarët kanë vërejtje edhe në policët dhe doganierët e Kosovës të cilët për tu paisur me dokumentin e lirimit nga BKS-ja, ata krijojnë vonesa të pa nevojshme.