Në pikat kufitare të Kosovës, gjatë sezonit të verës, vazhdojnë pritjet e gjata të qytetarëve që jetojnë jashtë vendit dhe vijnë në Kosovë, si dhe të atyre që dalin nga Kosova.

Në Qendrën Kombëtare për Menaxhim Kufitar, pritjet më të gjata raportohen në kufirin e Hanit të Elezit (100 metra), në kufirin e Merdares (500 metra) si dhe në kufirin e Mutivodës (50-70 metra).

Përkundër deklarimeve të autoriteteve për shtim të kapaciteteve në kufij, pritjet e gjata janë shpesh të paevitueshme.