Shtohen problemet me lëndime në skuadrën e Realit të Madridit. Sapo kanë kaluar 20 ditë nga nisja e fazës përgatitore, por numri i lojtarëve të dëmtuar, pjesë e ekipit të parë, ka shkuar në pesë: Brahim, Mendy, Asensio, Joviq dhe së fundmi Thibaut Courtois.

Sikurse konfirmon klubi madrilen, portieri belg ka pësuar një dëmtim në kavilje (përdredhje) e për pasojë nuk do të jetë pjesës e skuadrës në Gjermani për Audi Cup.

“Gardiani” i “Los Blancos” pritet të qëndrojë 1 muaj në infermieri, që do të thotë se do të humbasë edhe takimin e parë sezonal, atë të kampionatit në “Balaidos” me Celta Vigon. Reali i Madridit do të luajë këtë të martë kundër Bayernit në Audi Cup, sfidë e programuar për t’u zhvilluar në Allianz Stadium, në orën 18:00.