Teknikat e xhudos po i mësojnë edhe nxënësit e SHFMU “Jeta e Re” – Greme, Ferizaj.

Trajneri i xhudos Mal Musa, bashkë më nxënësit e kësaj shkolle, përpos që po mësojnë teknikat e xhudos, ata gjithashtu po i praktikojnë edhe vlerat kyçe të xhudos si respekti, mirëkuptimi por edhe argëtimi! Seksionet mbahen 1 herë në javë me nxënësit e klasave të ciklit të ulët 1 deri 5.

Programi shtetëror, “Kosova, shtet i xhudos”, përmes komponentës, “Xhudo në shkolla – xhudistët e rinj”, ka për qëllim të zhvillojë masivizimin dhe integrimin e disiplinës së xhudos në të gjitha shkollat dhe komunat e Kosovës. Ky program mbështetet nga Ministria e Sportit.