Në mbledhjen e 145-të të Qeverisë së Republikës së Kosovës është miratuar Projektligji për Kadastër të Pronës së Paluajtshme.

Liburn Aliu, ministër i Mjedisit, Planifikimit Hapësinor dhe Infrastrukturës, ka theksuar se miratimi i Projektligjit për Kadastër të Pronës së Paluajtshme, është një hap drejt avancimit të modernizimit të kadastrës, rindërtimit të informacioneve kadastrale dhe të drejtave pronësore, në linjë me vizionin e qasjen serioze institucionale për reforma rrënjësore në kadastrën shtetërore.