Prokurorët belgë ka njoftuar se disa individë janë arrestuar për t’u marrë në pyetje lidhur me përfshirjen e tyre të dyshuar në korrupsion aktiv brenda Parlamentit Evropian.

Arrestimet janë pjesë e një hetimi të gjerë që synon zbardhjen e aktiviteteve të paligjshme brenda institucioneve të BE-së.

Sipas prokurorëve, Policia Federale ka realizuar 21 kontrolle në rajonin e Brukselit, si dhe në Flanders, Wallonia dhe Portugali, për të siguruar prova të nevojshme. Ndërkohë, nuk janë zbuluar emrat dhe funksionet e personave të përfshirë, dhe prokurorët nuk ishin të disponueshëm për komentet e mëtejshme mbi rastin

Hetimi ka nxjerrë në pah akuzat për korrupsion, falsifikim dhe përdorimin e dokumenteve false, të cilat besohet se kanë ndodhur në mënyrë të vazhdueshme dhe “shumë diskrete” që nga viti 2021. Sipas prokurorëve, këto aktivitete janë zhvilluar nën maskën e lobimit komercial dhe kanë marrë forma të ndryshme, si shpërblimi për marrjen e posteve politike dhe dhuratat e tepërta, përfshirë ushqimin, shpenzimet e udhëtimit, si dhe ftesa të rregullta për ndeshje futbolli, raporton “Reuters”.

Në kuadër të hetimit, janë sekuestruar një sërë dokumentesh dhe objekteve që mund të ofrojnë prova për pastrim parash, duke theksuar përpjekjet për të zbuluar dhe ndaluar aktivitetet e paligjshme në këtë nivel të lartë politik.