Me lirimin e Skender Hysenit nga akuzat për mosdeklarim të pasurisë, nuk po pajtohet prokuroria.

Këta të fundit kanë theksuar se kanë bërë ankesë ndaj vendimit.

Lajmin për “Betimi për Drejtësi”, e ka bërë me dije zëdhënësja e kësaj prokurorie, Laureta Ulaj.

“Ju njoftojmë se, prokurori i rastit ka paraqitur ankesë kundër aktgjykimit të nxjerrë nga gjykata kompetente lidhur me këtë çështje penale”, ka thënë Ulaj.

I kontaktuar dy ditë më parë nga “Betimi për Drejtësi”, mbrojtësi i Hysenit, avokati Fatlum Podvorica, ka thënë se nuk ka pranuar ende zyrtarisht ankesë nga ana e Prokurorisë.