Anëtari i Lëvizjes Vetëvendosje në Komisionin Qendror të Zgjedhjeve (KQZ), Sami Kurteshi, të mërkurën ka eskaluar me gjuhën e tij drejtuar mediave dhe gazetarëve.

Specifikisht gazetares të “Nacionales” Besarta Hoti, ai iu referua se punon për “vrasës me pagesë”.

Për këtë gjuhë të përdorur nga Kurteshi, iu kërkua edhe presidentes Vjosa Osmani që ta largonte nga pozita që bartë ai.

Lidhur me rastin, “Klan Kosova” ka mësuar se Prokuroria tashmë ka autorizuar Policinë për ta intervistuar Sami Kurteshin.