Prokurorja e Zyrës së Prokurorit të Specializuar ka pretenduar se kanë qindra dëshmitarë dhe mijëra prova kundër ish-udhëheqësve të Ushtrisë Çlirimtare të Kosovës (UÇK).

Në konferencën statusore për rastin kundër Hashim Thaçit, Kadri Veselit, Jakup Krasniqit e Rexhep Selimit, prokurorja ka thënë se gjithashtu ka 10 mijë prova që do t’ia dorëzojë mbrojtjes.

“Prokuroria do t’i dorëzojë mbrojtjes 10 mijë materiale potencialisht shfajësuese”, ka thënë prokurorja.

Zyra e Prokurorit të Specializuar ka thënë se provat do t’i nxjerrin gradualisht, ndërsa avokatët kanë kërkuar që ato të nxirren sa më shpejt. Prokuroria ka propozuar periudhën deri në majin e vitit të ardhshëm si afat për nxjerrjen e provave.