Në Bibliotekën Kombëtare në Prishtinë është promovuar të premten libri “E vërteta për kufirin e vjetër Cakorr-Hajl-Zhleb” i autorit rugovas Ali Kelmendi i cili aktualisht jeton dhe vepron në Zvicër.

Në këtë libër Kelmendi ka sjellë harta, dokumente e atlase të cilat sipas tij dokumentojnë se demarkacioni i kufirit me Malin e Zi është bërë gabimisht.

Në këtë të drejtë, Kelmendin po e mbështet edhe historiani Hakif Bajrami i cili ka akuzuar Qeverinë e Kosovës se me interesa të caktuara po duan ta votojnë demarkimin dhe se fakti që pas kësaj do të bëhet liberalizimi i vizave është vetëm një mashtrim.