Të premten që vjen do të bëhet promovimi i librit “Organika taktike në futboll” i autorit Fetah Veliu.

Promovimi do të bëhet në objektin e Fakultetit te Edukimit Fizik dhe të Sportit. Ky është libri i katërt i botuar nga autori Fetah Veliu, një ndër autorët e paktë, me profesion të trajnerit të licencuar me licencat nga UEFA dhe i njohur në opinion si njohës  i mirë për zhvillimin e ngjarjeve rreth futbollit ne vendin tonë, raporton “KosovaPress”.

Ky libër, sipas autorit, përmban materialet e komponentit kryesor të futbollit, taktikës, ku gjithnjë, sipas autorit, futbolli i Kosovës dhe trajnerët e futbollit në Kosovë do të kenë mundësi  të kenë alternativa të shumta për njohjen e substancës taktike në futboll dhe për mundësitë më të mëdha për rritjen e potencialit në zejen e trajnerit dhe të avancimit të proceseve trajnuese në përgatitjen taktike të një skuadre futbolli gjatë një gare kompetitive dhe të prezantimit sa më të mirë në një ndeshje futbolli.