Kompanitë e transportit rrugor të udhëtarëve kanë parakaluar me autobusët e tyre rrugëve të kryeqytetit, në shenjë proteste pasi nuk janë subvencionuar nga Qeveria e Kosovës për humbjet që kanë pësuar gjatë pandemisë.

Ndërkohë që kryeministri në detyrë, Avdullah Hoti nëpërmjet një komunikate për media ka kërkuar nga Shoqata e Transportit Rrugor të Udhëtarëve, që sa më parë të kthejnë shërbime për qytetarët.

Ai ka shprehur gatishmërinë për diskutim me përfaqësuesit e këtij sektori me qëllim të gjetjes së një zgjidhje të favorshme.