Analisti politik Shkëlzen Maliqi ka vlerësuar se nuk ka pasur rrugëdalje tjetër përveç mbajtjes së zgjedhjeve lokale në Shqipëri.

Ai ka thënë se nuk ka qenë problem çështja e datës së zgjedhjeve sa këmbëngulja e opozitës që Rama të dorëhiqet.

Në këtë intervistë dhënë për gazetën “Epoka e re”, Maliqi ka deklaruar se nuk ka pasur pjesëmarrje të vogël të qytetarëve në zgjedhjet e 30 qershorit por, sipas tij, ka pasur pjesëmarrje normale për rrethanat e bojkotit nga opozita.

Maliqi ka thënë se PS-ja dhe kryeministri Edi Rama të dielën kanë ridëshmuar se ende i kanë votat e mazhorancës, 700 mijë sosh.

Ai ka thënë se pas këtij procesi zgjedhor PD-ja dhe LSI-ja duhet ta reflektojnë gjendjen e tyre të brendshme për t’u konsoliduar si parti.

(Intervistën e plotë mund ta lexoni në numrin e sotëm të gazetës “Epoka e re”)