Kryetari i Partisë Socialdemokrate, Shpend Ahmeti, ka bërë me dije se sot kanë dorëzuar kërkesën për ndërprerjen e pushimit të Kuvendit për shkak të diskutimeve rreth dialogut dhe rrezikut nga skenarët që po përmenden.

“Nuk ka kuptim që Kuvendi të pushojë. Kryesia duhet të mblidhet të hënën dhe të caktohet urgjentisht seanca”, ka shkruar Ahmeti në llogarinë e vet në “Facebook”.

Kjo kërkesë i është drejtuar kryetarit të Kuvendit të Kosovës, Kadri Veseli.