Aktivistët e Partisë Socialdemokrate kanë nisur përgatitjet për protestën kundër shtrenjtimin të energjisë elektrike.

Ata sot thirrjet për protestë i kanë vendosur nëpër trafo të KEDS-it.

Përmes një njoftimi për medie, kjo parti ka bërë me dije se sot të gjithë mekanizmat shtetëror janë vënë në shërbim të KEDS dhe profiteve të saj.

“Trafot e KEDS-it i shfrytëzuam për të vendosur thirrjen për protestën e së shtunës. Këto objekte dikur kanë qenë në pronësi publike, por u privatizuan në një proces shumë të dyshimtë. Sot, të gjithë mekanizmat shtetëror janë vënë në shërbim të KEDS dhe profiteve të saj. Prandaj këtë të shtunë në ora 14:00, #protestojmë!”, është thënë në njoftimin e PSD-së.