Partia Socialdemokrate (PSD), e cila udhëhiqet nga Dardan Molliqaj, ka zhvilluar të martën një aksion simbolik në oborrin e Presidencës së Kosovës.

Aktivistët e kësaj partie, gjatë këtij aksioni e kanë vendosur flamurin me logon e UÇK-së.

Ky aksion i PSD-së vjen pas akuzave që kanë shkuar në drejtim të presidentes Vjosa Osmani, pasi kjo e fundit në një postim ku fliste për Betejën e Koshares nuk e ka përmendur UÇK-në.

Në oborr të presidencës janë të vendosur flamuri i BE-së, i Kosovës dhe ai i Dardanisë.