Pse Erdogan u habit me Ramën kur zbriti nga makina
Kryeministri Rama u prit me ceremoni zyrtare nga presidenti turk Rexhep Taip Erdogan në Ankara, në vizitën e radhës së karakterit zyrtar, ku e fundit e këtij formati ishte në janar 2021.
Sapo u takuan, Erdogan shfaqi habi me faktin se Rama ishte me kostum dhe pa pallto si ai, në të ftohtin e Ankarasë.
Pasi shtrënguan duart, Erdogan iu drejtua me humor Ramës duke thënë: ‘A nuk ke ftohtë?!’
Këtë, lideri turk ia shprehu habitshëm edhe shqiptarit që mban afër si këshilltar, me rol dhe si përkthyes, Sabri Demiri, i cili dhe ai ishte vetëm me kostum si Rama.
Më pas, Erdogan e Rama parakaluan përballë togave të nderit me në sfond himnet e dy vendeve.
Më herët Rama kreu homazhet në nder të Mustafa Kemal Ataturkut në Anitkabir, ku ishin të pranishëm edhe disa ministra të kabinetit tonë qeveritar.