Qeveritë perëndimore akuzojnë Moskën për përdorimin e Grupit Wagner në Ukrainë, Libi, Siri, Sudan, Mozambik dhe Republikën e Afrikës Qendrore.

Në letër, Grupi Wagner, një rrjet rus që ofron luftëtarë me qira, nuk ekziston. Të themeluar në vitin 2014 nga oficeri i inteligjencës Dmitry Utkin për të mbështetur separatistët ukrainas, mercenarët e Wagner deri më tani kanë luftuar për interesat e Rusisë dhe aleatëve të saj në të gjithë Afrikën dhe Lindjen e Mesme, dhe gjithashtu janë përfshirë në luftën civile siriane në anën e Presidentit Bashar al Asad. Ata akuzohen për mizori.

Carol Valade, autor i dokumentarit të vlerësuar me çmime mbi aktivitetet e Grupit Wagner në Republikën e Afrikës Qendrore, ishte i ftuar në TNT dhe prezantoi informacione mbi grupin.

– Ne jetuam në Republikën e Afrikës Qendrore për një vit e gjysmë, kështu që ishte një hap logjik për të punuar në këtë temë dhe për të hulumtuar aktivitetet ruse. Rusët janë kudo. Mund të shihje mercenarë në rrugë dhe prania është e dukshme. Por në të njëjtën kohë, ishte e ndaluar të flitej për praninë e tyre. Nuk mund të pyesësh për rusët dhe çfarë po bënin atje. Të gjithë kishin frikë dhe nuk donin të flisnin. Kishte një lloj ligji heshtjeje, ndaj vendosëm të hetojmë, tha ai.

Sipas tij, gjatë xhirimeve ka pasur një atmosferë armiqësore për shkak se gazetarët janë francezë dhe propaganda ruse mbështet ndjenjat antifranceze.

– Prandaj ishte e vështirë, por me kalimin e kohës dhe me shumë kujdes arritëm të lidheshim me njerëz nga të dyja palët. Për ne ishte e rëndësishme që të merrnim akses te njerëzit që janë viktima të mercenarëve, por edhe me ata që bashkëpunojnë me sistemin e propagandës. Vrasja e tre gazetarëve rusë në vitin 2018 ishte në mendjen tonë. Në atë kohë, rusët sapo po vinin në Republikën e Afrikës Qendrore. Arritëm në vend tre vjet më vonë, kështu që nuk ishte aq keq. Megjithatë, sa herë që përpiqeshim të shkruanim diçka për shkeljet e të drejtave të njeriut dhe vrasjet, gjithmonë ishim të ekspozuar ndaj sulmeve në rrjetet sociale dhe pengesave, tha ai.

– Në këtë moment, kur lufta që është afër nesh vazhdon, ne tentojmë të ngushtojmë fushën tonë të vizionit dhe mendoj se duhet të shohim se çfarë po ndodh në disa pjesë të tjera të botës. Rusia nuk po vepron vetëm në Ukrainë, ku po vë në pikëpyetje vlerat e BE-së. Pak njerëz e dinë se çfarë po ndodh në Afrikë, dhe ata operojnë në vende të tjera, për shembull në Mali, ku përdorin të njëjtat metoda. Ata kryejnë vrasje masive, dhe ka akuza për shkelje të të drejtave të njeriut. Ata vënë në dyshim vlerat demokratike dhe fitojnë gjithnjë e më shumë ndikim në formën e opinionit publik, i cili është i zhgënjyer nga politika perëndimore dhe franceze. Ata po i drejtohen Rusisë dhe ne duhet të mendojmë për këtë sepse vë në pikëpyetje demokracinë dhe liritë që BE mbron, tha ai.

Ai thotë se grupi Wagner është i ndryshëm nga të gjitha grupet e tjera ushtarake.

– Është një mjet për të përhapur ndikimin rus. Ajo që kemi zbuluar është se mercenarët kanë fituar kontrollin e pozicioneve më të larta politike në vend. Ky vend është shumë i brishtë dhe i varfër, dhe ata mund ta përdorin atë si një zonë për të provuar aktivitete të reja propagandistike. Ata po përpiqen gjëra të ndryshme për të zgjeruar ndikimin e tyre, tha ai.

– Nuk ka kontroll mbi aktivitetet ushtarake. Edhe OKB-ja nuk ka asnjë kontroll apo informacion real për aktivitetet e tyre. Kjo është arsyeja pse ne nuk mund të japim një shifër të saktë se sa janë atje, tha ai.

Mercenarë të trajnuar marrin pjesë në luftëra në të gjithë botën, për ata po heshtet.

Grupi Wagner është në listën e sanksioneve Evropiane.

Kjo njësi, sipas mediave, përbëhet nga mercenarë të trajnuar, të gatshëm për të marrë pjesë në luftëra në të gjithë botën.

Qeveritë perëndimore kanë akuzuar Moskën për përdorimin e grupit Wagner si një forcë paraushtarake në konfliktet në Ukrainë, Libi, Siri, Sudan, Mozambik dhe Republikën e Afrikës Qendrore.

Kompania ushtarake private Ruse Wagner tërhoqi vëmendjen e botës në 2014. gjatë luftës në Ukrainë, kur mbështeti separatistët pro-rusë në konfliktin në lindje të vendit.

Ajo është gjithashtu e lidhur me aneksimin rus të gadishullit ukrainas të Krimesë në vitin 2014, prandaj Rusia është nën sanksionet e BE-së dhe SHBA-së. Moska ka mohuar akuzat për një lidhje me Wagner, shkruan N1.

Biznesmeni Yevgeny Prigozhin pranoi publikisht për herë të parë se në vitin 2014 ai krijoi grupin, më vonë të quajtur Wagner, duke theksuar se falë guximit të tyre, fati i republikave të vetëshpallura në Donetsk dhe Lugansk ndryshoi rrënjësisht, dhe popujt e Sirisë, arabë , vendet afrikane dhe të Amerikës Latine morën mbrojtje. Komenti i Prigozhin u publikua në rrjetin social VKontakte në faqen e kompanisë së tij Konkord, raporton RIA Novosti.