Në skuadrën e PSG-së kanë filluar të mendojnë për pasardhësin e Kylian Mbappe, i cili me gjasë do të largohet në verë. Victor Osimhen shihet si profili ideal, për këtë arsye e kanë vendosur në majën e listës së dëshirave. Pengesa e vetme në këtë pikë është shuma që kërkon De Laurentiis, 130 milionë euro.

Bosi i Napolit është i hapur të negociojë me çdo skuadër që kërkon shërbimet e nigerianit, por as që ka ndërmend të bëjë lëshim kur bëhet fjalë për zbritjen e çmimit. Osimheni ka shumë oferta, mbi të gjitha nga klube në Premier Ligës, ku Chelsea, Arsenali dhe Manchester United janë të gatshëm të paguajnë një shifër të tillë.