Lucas Paqueta ka nisur ta humbë shkëlqimin në skuadrën e Milanit.

Braziliani e kishte humbur edhe vendin e titullarit dhe premisat që ai të rikthehet titullar me teknikun e ri janë të shumta, por nëse vetë Paqueta nuk rigjen ritmin që ofroi gjysmën e dytë të sezonit të kaluar, duket e vështirë se do të vazhdojë të qëndrojë te Milani.

Por nga kjo situatë e vështirë duket se po mendon të përfitojë Paris Saint-Germain. Mediet franceze raportojnë se drejtori teknik, Leonardo, është gati t’i ofrojë Milanit 40 milionë euro për fantazistin brazilian.