Sergio Ramos ka paralajmëruar Real Madridin se do të “vdesë” për Paris Saint-Germain kur të dyja skuadrat do të takohen në Ligën e Kampionëve.

Spanjolli fitoi garën prestigjioze katër herë, tre herë si kapiten, gjatë kohës së tij në Bernabeu.

Ramos është një nga lojtarët më të mëdhenj në historinë e klubit, pasi bëri 671 paraqitje dhe ngriti 22 trofe.

Ai u lirua çuditërisht nga Reali, pas 16 vjetësh, verën e kaluar, duke e lejuar atë të bashkohej me PSG-në, shkruan Marca.

“Fati është kapriçioz”, tha mbrojtësi, siç citohet nga gazeta spanjolle Marca.

“Do të doja që një ekip tjetër të kishte luajtur me ne”, ka thënë Ramos.

“Ju e dini vlerësimin dhe dashurinë që kam për Real Madridin. Tani është radha ime të mbroj PSG-në dhe do të bëj gjithçka për të kaluar”.

“Është skuadra që llogarit në mua. Unë do të shkoj drejt vdekjes për PSG-në”.