Gola dhe spektakël në sfidat e mbrëmjes së ndeshjeve të 7-ta në Champions League.  Supersfida e mbrëmjes mes PSG dhe Manchester City-it, u mbyll 4-2 në favor të ekipit parisien që triumfoi me përmbysje.

Grealish dhe Haaland shënuan në fillimin e pjesës së dytë, por vendasit do të kundërpërgjigjeshin mjaft mirë. Dembele, Barcola, Joao Neves dhe Goncalo Ramos ishin autorët e golave.

Interi dhe Milani morën suksese minimale në sfidat e tyre. Zikaltrit fituan 1-0 në transfertën ndaj Spartës falë një super goli të Lautaros, ndërkohë që kuqezinjtë mundën Girona-n falë një goli të Leao-s.

Real Madridi mori një fitore të thellë 5-1 ndaj Salzburgut. Dopietat e Rodrygo-s dhe Vinicius Junior ishin përcaktues, ndërkohë që shënoi një gol edhe Mbappe.

Arsenali fitoi 3-0 ndaj Dinamo Zagreb, ndërkohë që surpriza e mbrëmjes ishte humbja 3-0 e Bayernit në transfertën ndaj Feyenoordit. Santiago Gimenez shtangu ekipin bavarez me dy gola, ndërkohë që Ueda realizoi të tretin.