Humbja në finale e Ligës së Kampionëve kundër Bayern Munchenit nuk e ka demoralizuar aspak sulmuesin e PSG-së, Kylian Mbappe.

Ky i fundit ka folur pas fitores së Francës kundër Suedisë me golin e tij. Ai u ngacmua nga gazetarët në lidhje me finalen e humbur dhe u shpreh: “Shumë ekipe kanë humbur finalet dhe i kanë fituar në vitin pasardhës. Duhet të bëjmë mirë. Shpresoj të ndodhë kështu dhe të qëndrojmë të fortë në vazhdim”, ka thënë Mbappe.