Ushtria amerikane ka publikuar pamjet e para të sulmit në veri të Sirisë që rezultuan me vdekjen e udhëheqësit të grupit të Shtetit Islamik (IS).

Këtu shihen trupat ushtarake në përleshje të armatosur me militantët në tokë përderisa lëviznin në drejtim të kompleksit ku Abu Bakr al-Baghdadi ishte fshehur.

Baghdadi iku në një tunel dhe vrau veten duke shpërthyer një jelek vetëvrasës.

Pas bastisjes kompleksi u shkatërrua me municione.

Kreu i Komandës Qendrore të ShBA-së,  gjenerali Kenneth McKenzie, ka thënë se ndërtesat e shkatërruara u lanë me pamje si të ishin “një parking i shkatërruar me plot gropa”.

Gjenerali McKenzie ka thënë se dy fëmijë kishin vdekur me Baghdadin në tunel, dhe  jo tre siç ishte raportuar më parë.