Kryeministri i Kosovës, Albin Kurti, ka deklaruar pasurinë e tij për vitin 2021 në Agjencinë Kundër Korrupsionit.

Si pasuri të paluajtshme, Kurti ka deklaruar apartamentin 400 mijë eurosh të bashkëshortes së tij në Norvegji.

I pari i qeverisë ka deklaruar se ka para të gatshme në bankë në vlerë prej rreth 400 euro, derisa bashkëshortja e tij ka të kursyera 23 mijë euro.

Sipas formularit të pasurisë, bashkëshortja e tij ka edhe borxhe. Ajo është në kredi në vlerë 290 mijë euro për blerjen e apartamentit, në kohëzgjatje prej 25 vitesh.

Ndërkohë Kurti ka deklaruar qiranë e shtëpisë në vlerë 250 euro, për tri vjet.

Kurti ka deklaruar si të hyra vjetore 12 mijë e 903 euro, derisa bashkëshortja e tij ka të hyra vjetore 39 mijë e 200 euro.