Punëtorët teknik të fakulteteve të Universitetit të Prishtinës “Hasan Prishtina” sërish kanë protestuar para Rektoratit të këtij universiteti.

Ata kanë kërkuar që paga minimale e tyre të jetë 350 euro.

Sipas tyre, punëtorët teknik po diskriminohen andaj kanë vendosur të mos kryejnë detyrat e tyre nëse nuk u plotësohen kërkesat, shkruan EkonomiaOnline përcjellë Klan Kosova.

Kryetari i Sindikatës së Punëtorëve Privat, Jusuf Azemi, ka thënë se punëtorët nuk qëndrojnë më me 250 euro pagë.

Ai ka paralajmëruar grevë nga java e ardhshme nëse nuk plotësohen kërkesat e tyre.

Ndërsa kryetari i Punëtorëve të Sigurimit, Rexhep Gashi, ka thënë se nuk do të ndalen me protesta dhe grevë deri në realizimin e kërkesave të tyre.

Në anën tjetër, kryetari i Shoqatës së Punëtorëve Teknik, Hysni Gashi, ka paralajmëruar grevë pasi siç ka thënë ai neglizhimi ndaj tyre është duke vazhduar dhe se nuk janë duke u përfillur kërkesat e tyre.