Iniciativa e Rusisë për paqen mund të ndalojë konfliktin ukrainas dhe të çojë drejt një zgjidhjeje diplomatike.

Kështu tha presidenti rus Vladimir Putin në fjalimin e tij në Forumin e 10-të Ndërkombëtar Primakov.

Putin tha se kishte besim se forumi do t’i kushtonte vëmendjen e duhur “propozimit të Rusisë për të zgjidhur krizën ukrainase në mënyrë paqësore”.

“Unë pres që, ndryshe nga shumë politikanë perëndimorë, të cilët as që donin të shikonin thelbin e iniciativës sonë, pjesëmarrësit në forum do ta shohin me pikëpamje racionale dhe do të jenë në gjendje të shohin se iniciativa jonë me të vërtetë ofron mundësinë e ndalimit të konfliktit, drejt zgjidhjes  politike dhe diplomatike”, theksoi Putin.