Presidenti rus, Vladimir Putin, ka akuzuar Ukrainën për sulmin e 8 tetorit në Urën e Krimesë dhe e ka konsideruar atë akt si “terrorizëm”.

Putin ka thënë se forcat ukrainase të inteligjencës kanë pasur synim që të shkatërrojnë një pjesë të rëndësishme të infrastrukturës civile të Rusisë.

“Autorë, organizatorë dhe përfitues janë shërbimet e sigurisë së Ukrainës”, ka thënë Putin.

Ai i ka bërë këto deklarata në një takim me shefin e Komitetit Hetues të Rusisë, Alexander Bastrykin.

Rusia e ka aneksuar Gadishullin e Krimesë më 2014, ndërsa ura është lëshuar për qarkullim katër vjet më vonë.

Sipas hetuesve rusë, tre persona kanë vdekur si pasojë e shpërthimit si dhe janë dëmtuar rëndë disa segmente rrugore.

Viktimat kanë qenë në një makinë afër kamionit-bombë që ka shpërthyer, kanë thënë autoritetet ruse.

Bastrykin ka thënë se qytetarët rusë dhe disa shtete të huaja kanë ndihmuar në përgatitjet për sulm.

Sipas tij, hetuesit e kanë kuptuar se kamioni që ka shpërthyer, ka udhëtuar nëpër Bullgari, Gjeorgji, Armeni, Osetinë Veriore dhe territorin e Krasnodarit.

Zyrtarët rusë kanë thënë po ashtu se kanë nisur menjëherë punimet për të rregulluar segmentet e dëmtuara rrugore.

Rusia rrit sigurinë pas shpërthimit

Më herët gjatë ditës së diel, Rusia ka rritur sigurinë në këtë urë – të vetmen që e lidh me Gadishullin ukrainas të Krimesë – pas shpërthimit të fuqishëm të 8 tetorit në të.

Presidenti Putin ka urdhëruar Shërbimin Federal të Sigurisë (FSB) që të mbikëqyrë urën lidhëse.

E konsideruar nga mediat ruse si “ndërtimi i shekullit”, ura është konsideruar kyçe për bartjen e pajisjeve ushtarake, municionit dhe ushtrisë, në jug të Ukrainës, prej shpërthimit të luftës në këtë shtet, në fund të muajit shkurt.

Zyrtarët ukrainas kanë dhënë sinjale se kanë miratuar shpërthimin, mirëpo nuk e kanë konfirmuar se forcat e tyre kanë qenë mbrapa sulmit.

Presidenti ukrainas, Volodymyr Zelensky, e ka përmendur incidentin në adresimin e tij të shtunën vonë, duke thënë se “e sotmja nuk ka qenë ditë e keqe, por ditë kryesisht me diell në territorin e shtetit tonë”.

“Fatkeqësisht ka qenë me re në Krime. Mirëpo ka qenë nxehtë edhe atje”, ka shtuar ai.

Deputeti ukrainas, Oleksiy Goncharenko, i ka thënë transmetuesit BBC, se pavarësisht se kush është përgjegjës për sulmin, kjo situatë shënon “fitore të madhe ukrainase dhe humbje të rëndë për Rusinë”.

“Ura nuk është shkatërruar, por është dëmtuar, imazhi i Putinit është shkatërruar, kjo është gjëja më e rëndësishme”, ka thënë ai.

Ndonëse Ukraina nuk ka lidhur forcat e saj të armatosura me shpërthimin, ajo e ka shënjestruar Krimenë në të kaluarën.

Muajin e kaluar Ukraina ka marrë përgjegjësi për një seri sulmesh në Krime – duke përfshirë sulmin në bazën ushtarake ruse, Saky.

Presidenti Putin ka urdhëruar Shërbimin Federal të Sigurisë (FSB) që të mbikëqyrë urën lidhëse.

E konsideruar nga mediat ruse si “ndërtimi i shekullit”, ura është konsideruar kyçe për bartjen e pajisjeve ushtarake, municionit dhe ushtrisë, në jug të Ukrainës, prej shpërthimit të luftës në këtë shtet, në fund të muajit shkurt.

Zyrtarët ukrainas kanë dhënë sinjale se kanë miratuar shpërthimin, mirëpo nuk e kanë konfirmuar se forcat e tyre kanë qenë mbrapa sulmit.

Presidenti ukrainas, Volodymyr Zelensky, e ka përmendur incidentin në adresimin e tij të shtunën vonë, duke thënë se “e sotmja nuk ka qenë ditë e keqe, por ditë kryesisht me diell në territorin e shtetit tonë”.

“Fatkeqësisht ka qenë me re në Krime. Mirëpo ka qenë nxehtë edhe atje”, ka shtuar ai.

Deputeti ukrainas, Oleksiy Goncharenko, i ka thënë transmetuesit BBC, se pavarësisht se kush është përgjegjës për sulmin, kjo situatë shënon “fitore të madhe ukrainase dhe humbje të rëndë për Rusinë”.

“Ura nuk është shkatërruar, por është dëmtuar, imazhi i Putinit është shkatërruar, kjo është gjëja më e rëndësishme”, ka thënë ai.

Ndonëse Ukraina nuk ka lidhur forcat e saj të armatosura me shpërthimin, ajo e ka shënjestruar Krimenë në të kaluarën.

Muajin e kaluar Ukraina ka marrë përgjegjësi për një seri sulmesh në Krime – duke përfshirë sulmin në bazën ushtarake ruse, Saky. /REL/