Putini dhe Vuçiqi bisedojnë në telefon edhe për Kosovën
29 maj 2022
| 13:43
Presidenti rus dhe ai serb, Vladimir Putin dhe Aleksandër Vuçiq, kanë zhvilluar një bisedë telefonike së fundmi ku kanë folur për zhvillimet e fundit sa i përket gazit natyror.
Sipas raportimit të “Reuters”, Putini dhe Vuçiqi janë pajtuar që të vazhdojë furnizimi i Serbisë me gaz natyror nga Rusia.
Ata kanë diskutuar gjithashtu edhe për çështjen e Ukrainës dhe Kosovës, por nuk janë dhënë detaje për qëndrimet e tyre në këtë çështje.
Të dy presidentët janë zotuar për forcimin e partneritetit të tyre.