BERTOLT BRECHT

Kush e ndërtoi Teben me shtatë porta?
Në libra janë vetëm emrat e mbretërve.
A i kanë bartur mbretërit gurët për mure?
Kush e ka ndërtuar Babiloninë disa herë të shkatërruar?
Në cilat shtëpi banonin ndërtuesit e Limas së artë?
Ku u zhdukën muratorët atë mbrëmje, kur u përfundua Muri i Madh i Kinës?
Roma e madhe është plot me harqe triumfale.
Kush i ndërtoi ato?

Ndaj kujt fituan Cezarët?
A kishte Bizanti aq shumë i madhëruar pallate për banorët e vet?
Edhe në Atlantikun legjendar, gjatë natës lemerisen padronët pijanecë, kur deti gllabëroi skllevërit e tyre.

Aleksandri i ri pushtoi Indinë.
Ai vetëm?
Cezari mundi Galët.
A nuk kishte të paktën një kuzhinier me vete?

Filipi i Spanjës qau kur flota e tij u përmbyt. Askush tjetër nuk qau?
Frederiku i dyti fitoi luftën shtatëvjeçare.
A fitoi dikush tjetër pos tij?

Kush gatuante në festa të fitores?
Çdo dhjetë vjet një njeri i madh.
Kush i ka paguar shpenzimet?
Sa shumë raporte. Po kaq shumë pyetje.

(Përktheu nga gjermanishtja: Ibrahim Kelmendi.
Marrë nga numri i pestë i revistës “Akademia”)