Ministria e Shëndetësisë ka marrë vendim që nga kjo javë qendrat e vaksinimit të punojnë gjatë gjithë ditëve të javës dhe festave zyrtare.

Në njoftimin e ministrisë është thënë se kjo bëhet për të lehtësuar qasjen në procesin e vaksinimit për të gjithë qytetarët. “Mbështetur në vendimin e Ministrit të Shëndetësisë, Dr. Arben Vitia, që nga kjo javë, qendrat e vaksinimit do të punojnë gjatë gjithë ditëve të javës dhe festave zyrtare. E gjithë kjo për të lehtësuar qasjen në procesin e vaksinimit dhe për t’ju përgjigjur kërkesës së madhe të qytetarëve për vaksinim”, është thënë në njoftimin e ministrisë.