Bajram Çerkini nga Qendra Burimore për Personat e Zhdukur, u ka bërë thirrje liderëve shtetërorë që të punojnë më shumë në zbardhjen e fatit të personave të zhdukur, duke thënë se dhimbja nuk i lë të flenë.

Qerkini ka thënë se lufta po përmendet nga ata që së bashku me fëmijët e tyre mund të largohen nga vendi dhe se në rast lufte, por ai ka bërë me dije se nuk do të largohej nga Mitrovica.

“Na e keni futë një stres të ri se po bëhet luftë. Kush po e lypë atë luftë? Ai që mundet me i largu fëmijët prej këtu se unë që nuk mundem me ik dhe ata që më kanë mbetur, pasha Zotin, qaty në Mitrovicë kam me vdekë. Mos ma përmend bre vëlla! E vetmja Mitrovicë shqiptare nuk ka memorial. Në Urë të Ibrit në pjesën e veriut, 7 metra memoriali për serbët, 50 për qind nuk kanë qenë në luftë fare. Të gjithë politikanët e dinë këtë punë”, ka thënë ai.

Në fjalën e tij, Çerkini ka thënë se edhe pas 25 vitesh nuk po gjendet gjuhë e përbashkët edhe pse është nënshkruar marrëveshje të na zbutet pak dhimbja.

Ai ka përmendur edhe varrezat masive për të cilat tha se nuk po bëhet mjaftueshëm gërmime.