Qeveria e Kosovës ka marrë vendim për ndarjen e 30 mijë eurove për renovimin e shkollës fillore “Naim Frashëri” në Bujanoc.

Ky vendim është nënshkruar nga ministri i Financave, Bedri Hamza, ndërsa është bërë me dije nga Komuna e Bujanocit nëpërmjet faqes zyrtare në “Facebook”.

“Me vendin të ministrit z. Bedri Hamza, Ministria e Financave të Qeverisë së Kosovës, sot ka ndarë 30 mijë euro për renovimin e katit të III-të të shkollës fillore ‘Naim Frashëri’ në Bujanoc. Një përkrahje shumë domethënëse për komunën tonë, e cila jep shpresë jo vetëm për vazhdim e projekteve të tilla, por edhe për rritjen e sasisë së mjeteve të ardhura nga Kosova”, ka njoftuar Komuna e Bujanocit.

/Epoka e re/