Qeveria e Kosovës ka ndarë 40 mijë euro për renovimin e një shkolle fillore në fshatin Samolicë të Bujanocit.

Lajmin është bërë me dije nga Komuna e Bujanocit.

“40 mijë eurot e ndara nga Qeveria e Kosovës, për renovimin e shkollës fillore në fshatin Samolicë, janë paguar sot në xhirollogarinë e komunës së Bujanocit. Kjo përkrahje ishte rezultat i vizitës së ministrit, Abelard Tahiri, që kishte realizuar në Bujanoc, ku edhe kishte premtuar se do të përkrahë komunën e Bujanocit me projekte konkrete. Gjendja momentale e shkollës fillore në Samolicë nuk përmbushë kushtet normale për zhvillimin e procesit edukativo arsimor. Këto kushte do të përmirësohen shumë shpejt”, thuhet në njoftimin për media të kësaj komune.

Për këtë lajm është shprehur i lumtur edhe ministri i Drejtësisë, Abelard Tahiri.

“Më në fund iniciativa ime për të mbështetur Komunën e Bujanocit me mjete për renovimin e një shkolle, është bërë realitet. Përkundër vonesave të shumta para të cilave nuk hoqëm dorë asnjë moment, premtimi u përmbush. Urime për banorët e fshatit Samolicë”, ka shkruar Tahiri në llogarinë e vet në “Facebook”.

https://www.facebook.com/bujanovac.rs/photos/a.634172306790684/985752004966044/?type=3&eid=ARAKD3AStmiPwo_2y1OHT2qpUnuSChOv2xRAzHhjYh09LtTvDDNgWhi-Fa8oWMotUA_1kJNje12edYdO&__xts__%5B0%5D=68.ARAEoYwrKsEp64W9ivIok2S2ggS7SDZWD0OFQPXICRTW5sPG202k3O8rE9plZYG8-5CIn1N0NgKFkz6X4x4QTAwh-kM5aL5NwCEqnK59g4ZfS_HdJJRhOdHWIpMT2_j0BWlhh1zDW8c7h5kFpvObC7X6fW9–1p82xOJDmaE6ulkXWK9PNaO&__tn__=EEHH-R