Në mbledhjen e Qeverisë në detyrë të Republikës së Kosovës, gjatë të enjtes janë emëruar anëtarët e Bordit Drejtues të Agjencisë së Ushqimit dhe Veterinarisë si dhe anëtarët e Këshillit Shkencor të Agjencisë së Ushqimit dhe Veterinarisë.

Kështu është bërë e ditur përmes një komunikatë për medie të Zyrës së Kryeministrit.

Po ashtu, janë bërë të ditur edhe emrat e personave që janë emëruar në këto pozita me dy vendime.

Anëtarët e Bordit Drejtues të Agjencisë së Ushqimit dhe Veterinarisë në këtë përbërje:

1. Nysrete Doda, Ministria e Bujqësisë, Pylltarisë dhe Zhvillimit Rural;
2. Delvina Hana, Ministria e Bujqësisë, Pylltarisë dhe Zhvillimit Rural;
3. Arsim Qavdarbasha, Ministria e Shëndetësisë;
4. Dafina Gexha, Instituti Kombëtar i Shëndetësisë Publike të Kosovës
5. Selatin Kaçaniku, Shoqata për mbrojtjen e konsumatorëve;
6. Parim Bajrami, Oda Ekonomike e Kosovës;
7. Valdet Gjinovci, Agjencia e Ushqimit dhe Veterinarisë.

Dhe anëtarët e Këshillit Shkencor të Agjencisë së Ushqimit dhe Veterinarisë në këtë përbërje:

1. Ariana Kalaveshi, Instituti Kombëtar i Shëndetësisë Publike të Kosovës;
2. Betim Bresilla, Instituti Bujqësor i Kosovës;
3. Aziz Behrami, Fakulteti i Teknologjisë Ushqimore;
4. Imer Haziri, Fakulteti i Bujqësisë dhe Veterinarisë;
5. Arben Mehmeti, Fakulteti i Bujqësisë dhe Veterinarisë.