Qeveria e Kosovës e drejtuar nga kryeministri Albin Kurti ka mbajtur mbledhjen e rregullt të 140-tën me radhë në të cilën ka miratuar shumë vendime dhe udhëzime administrative.

Gjatë mbledhjes së sotme të Qeverisë është marrë  vendim për emërimin e Bordit Drejtues të Shërbimit Spitalor, Klinikë Universitar të Kosovës përbërjen si në vijim:

1. Dr.Dren Boshnjaku, si përfaqësues nga Qendra Klinike Universitare e Kosovës;
2. Dr.Tetore Olloni, si përfaqësuese nga Qendra Klinike Universitare Stomatologjike e Kosovës;
3. Dr.Rrezarta Bajrami, nga Instituti Kombëtar i Shëndetit Publik;
4. Dr.Besim Demolli, nga Spitali i Përgjithshëm i Ferizajt në bazë të rotacionit dhe përmbushjes së indikatorëve të kualitetit të shërbimeve shëndetësore;
5. Dr.Vjollca Kadolli, nga Shërbimi i Kujdesit Parësor Shëndetësor;
6. Dr.Naim Bardiqi, si përfaqësues nga Ministria e Shëndetësisë;
7. Në Bord është edhe një ekspert i menaxhimit shëndetësor, që zgjidhet përmes konkursit publik.