Ministria e Shëndetësisë ka bërë  me dije masat e reja për luftim të pandemisë së Covid-19.

Pas mbledhjes së Qeverisë së Kosovës të mërkurën, është thënë se grumbullimi i njerëzve në hapësira të mbyllura, do të mund të bëhet duke shfrytëzuar 50 për qind të kapacitetit të hapësirës.

Në hapësirat e jashtme, organizimet lejohen duke shfrytëzuar 70 për qind të hapësirës.

Ministria e Shëndetësisë ka marrë vendim për lejim të mbajtjes së ahengjeve deri në orën 01:00 me jo më shumë se 300 të ftuar.

Klubet e natës po ashtu do të mund të punojnë deri në 01:00 me 50 për qind të kapacitetit në ambiente të brendshme dhe 70 për qind të ambiente të jashtme.

Bizneset e gastronomisë, do të mund të punojnë në orarin 05:00 – 23:00, duke shfrytëzuar 50 për qind të hapësirës, ndërsa në fundjavë në orarin 05:00 – 00:00.

Ministri i Shëndetësisë Arben Vitia, u ka bërë thirrje të gjithë qytetarëve që të vaksinohen kundër koronavirusit, për të shmangur përkeqësimin e situatës epidemiologjike në vjeshtë, për shkak të përhapjes së varianteve të reja në këtij virusi.