Qeveria e Kosovës ka ndarë sot 120 mijë euro për fushatën sensibilizuese për Projektin e Regjistrimit të Popullsisë.

Ky vendim është marrë në mbledhjen e rregullt të qeverisë të mbajtur sot.

Qeveria e Kosovës kishte shtyrë regjistrimin e popullsisë, i cili ishte paraparë të mbahej fillimisht në shtator dhe më pas në nëntor të vitit 2023.

Regjistrimi ishte shtyrë që të mbahej nga 5 prilli deri më 17 maj 2024.

Po ashtu, Qeveria në këtë mbledhje ka aprovuar edhe rregulloren për themelimin e Marrëdhënies së Punës me Kontratë për periudhë të caktuar.

Rregullore tjetër e miratuar sot është edhe ajo për Orarin e Punës, Pushimit dhe Vijueshmërisë së Zyrtarëve Publikë.

Qeveria ka miratuar edhe Rregulloren e Klasifikimit të Vendeve të Punës në Shërbimin Civil, etj.