Qeveria e Kosovës ka ndarë nga 50 euro shtesë për të gjithë punëtorët e sektorit publik.

Ministri i Financave, Hekuran Murati, në mbledhjen e qeverisë ka thënë se ka qenë premtim i qeverisë që të paguhet kjo shtesë deri në hyrjen në fuqi të Ligjit të Pagave në muajin shkurt.

Gjithashtu, Murati ka thënë se shtesat do të vazhdohen për janar edhe për punëtorët shëndetësorë.

“Ta vazhdojmë këtë shtesë edhe për muajin janar, që të mos ketë hendek deri në muajin shkurt sa i përket edhe tranzicionit deri në hyrjen në fuqi të Ligjit të Pagave”, ka thënë Murati në mbledhjen e qeverisë.