Qeveria e Kosovës ka ndarë mjete buxhetore për tekstet shkollore në gjuhën shqipe, për nxënësit e shkollave fillore në Preshevë, Medvegjë dhe Bujanoc në vlerë prej mbi 250 mijë euro.

“Ndihma jonë për bashkëkombësit tanë është jo vetëm nevojë por edhe obligim i yni, që të mbrojmë të drejtat e tyre elementare”, ka thënë kryeministri i Kosovës, Albin Kurti në mbledhjen e qeverisë.

Ndarja e këtyre mjeteve është bërë pas kërkesës së Këshillit Kombëtar Shqiptar.