Qeveria e Kosovës ka vendosur të mërkurën për blerjen e objekteve për nevojat e misioneve diplomatike në Romë, Paris, Otavë dhe Ankara.

Zëvendësministri i Punëve të Jashtme dhe Diasporës (MPJD), Kreshnik Ahmeti, ka thënë se blerja e këtyre objekteve do të shërbente për misionet diplomatike.

“MPDJ propozon shqyrtimin për marrjen e vendimit për blerjen e objekteve për nevojat e misioneve diplomatike te Kosovës në Paris, Romë, Otavë dhe Ankara. Miratimi i këtij vendimi do i hapte rrugë blerjes së këtyre objekteve”, ka thënë Ahmeti.