Qendra Klinike Universitare e Kosovës ka njoftuar se në Klinikën e Kardiokirurgjisë nuk ka pasur sabotim të punës.

Sipas njoftimit për medie, operacionet janë kryer sipas programit operativ të planifikuar.

Njoftimi i plotë i QKUK-së:

Kardiokirurgjia demanton Tefik  Bekteshin, operacionet po vazhdojnë sipas planit

Në lidhje me shkrimin e botuar në medie, “pezullimi i drejtorit, kardiokirurgjia saboton punën”, Qendra Klinike Universitare e Kosovës, njofton se në Klinikën e Kardiokirurgjisë nuk ka pasur sabotim të punës, por operacionet janë kryer sipas programit operativ të planifikuar.

Mjekët e Klinikës së Kardiokirurgjisë kanë njoftuar drejtorinë e përgjithshme të ShSKUK-së, se nuk ka pasur dhe nuk ka bojkotim të punës dhe se operacionet po realizohen sipas plan-programit.

Sipas të njëjtit njoftim, ata fare nuk janë konsultuar lidhur me këtë shkresë dhe e njëjta është bërë nga Tefik Bekteshi, i sapo pezulluar  nga komisioni disiplinor.

QKUK, kërkon nga mediet që para publikimit të shkrimeve të tilla, paraprakisht të verifikojnë lajmin.