Shtetet e QUINT-it kanë përshëndetur mbajtjen e zgjedhjeve komunale në komunat veriore që do të zë vend më 23 prill, duke shprehur keqardhjen që Lista Serbe nuk e ka shfrytëzuar këtë të drejtë.

“Ambasadat e Francës, Gjermanisë, Italisë, Mbretërisë së Bashkuar dhe Shteteve të Bashkuara e pranojnë që pas shtyrjes së zgjedhjeve komunale në dhjetor të 2022-ës, katër zgjedhje për kryetarë komunash dhe dy zgjedhje për asamble komunale do të zhvillohen më 23 prill 2023, në pajtim me kërkesat ligjore”, thuhet në komunikatën e QUINT-it.

“Na vjen keq që Lista Serbe nuk e ka shfrytëzuar të drejtën demokratike për të marrë pjesë në këto zgjedhje”.

Ata po ashtu bënë thirrje që këto zgjedhje të bëhen në mënyrë të rregullt dhe demokratike, dhe që të shmanget dhuna.

“Zgjedhjet janë themeli i demokracisë. Gjithmonë të siguruar që është thelbësore që ato të mbahen në mënyrë paqësore dhe të rregullt”.

“U bëjmë thirrje të gjitha palëve që të shfaqen të përmbajtura dhe ta shmangin dhunën, e cila mund t’i prishë zgjedhjet”.