Policia e Kosovës ka konfirmuar se një grua ka humbur jetën në Prishtinë. Zëdhënësja e policisë, Flora Ahmeti konfirmoi se viktima ka rënë nga një ndërtesë.

“Sot rreth 19:00 kemi pranuar informatën se në rrugën “Jakov Xoxa” në Prishtinë, një person ka rënë nga një ndërtesë. Viktimë në këtë rast është një person (femër), vdekjen e së cilës e ka konstatuar ekipi mjekësor në vendngjarje”, tha ajo për Insajderin.

Ahmeti shtoi se aktualisht hetuesit policorë në koordinim me prokurorinë përkatëse, janë duke punuar për të sqaruar të gjitha rrethanat që lidhen me rastin.