RA VJESHTA
24 dhjetor 2021
| 15:20
AUTORE: Elife LUZHA
Ra dhe Vjeshta me mëngjese të brymëta
Gjethet si nga brushë e Van Gogut ngjyruar
Bien mbi myshkun vjeshtor
E drunjtë në fillikatni kredhur janë
Pa flutura e zogj që s’di ku u fshehën
Ah nën vallëzimin e stinëve vitet vargohen
Lumi i jetës kthesave të mistershme shterron
Befas suferina dimëron në shpirtin e lodhur
Me gëzimin e dhimbjes si aht
DHIMBJE
Mos më kërko
Sall për një ditë të vetme
Të lutem m’u largo
Me lojën tënde therrmëse
Mos më trazo
Se dua ta thaj lotin nga një sërë vuajtjesh
E frymën e shpirtit
Si prej ahtesh
Latentisht ta çliroj
Nga ti